சாத்தேய சமயக் கீர்த்தனைகள்

 

தவத்திரு இராமானந்த சுவாமிகள் அருளிச் செய்த 

சாத்தேய சமயக் கீர்த்தனைகள்

இராகம் - மோகனம்                                       தாளம் - ஆதி

பல்லவி

           தாயே யெனக்கருள்செய் வாயே யுனைத்துதிக்கு

நாயே னிடர்கெடுப்பாய் நீயே பல்லுயிர்க்கெல்லாம்

- தாயே யெனக்கருள்

அநுபல்லவி

சேயென் றெனையணைத்த தாயென் றுனைப்பணியா

பேயென் றெனைக்கருதிச் சீயென் றொறுத்திடாவென்

- தாயே யெனக்கருள்

சரணங்கள்

காலை முதலுனது காலைத் தெரிசித்திடும்

வேலை பிர்மானந்த வேலை பாலித்தருள் வாலைத்   

- தாயே யெனக்கருள்

மின்னே ரிடைச்சிறிய மின்னே யுனதுதுதி

சொன்னேன் கண்ணெதிரினி லின்னே வந்தொருமொழி

பன்னே யெனைப் பெற்றிடும்

- தாயே யெனக்கருள்

உனது பெயர்கொளொரு பனவன் றனையரசன்

வினவ வமாவாசையின் றினமே மதிவரச்செய்          

-தாயே யெனக்கருள்

கவிராச பண்டிதற்கிப் புவிமீதி னினடந்து

குவியா மலர்க்கரத்திற் சுவையா யமுதுபடைத்          

-தாயே யெனக்கருள்

ஈசன் றனக்குப்பிர காசந் தனையளித்தாய்

நேசத் துடனிராம தாசன் துதிக்கிரங்குந்

                        - தாயே எனக்கருள்செய் வாயே.

(1)

இராகம் - நாதநாமக்கிரியை                          தாளம் - ஆதி

பல்லவி

           மதுரா புரிவளர் மீனாட்சித் தாயேயுன்

            மனமகிழ்ந் தருள்செய்வ தெந்நாளோ?

            மாதாவே காப்பாய் - வனசப்பூம்

            பாதாரஞ் சேர்ப்பாய்

அநுபல்லவி

கதிரோ ரளவில கூடினு முனதெழிற்

            கமல வடிக்குநிகர் காணுறுமோ

            காத்தருளுந் தாயே - யண்ட கோடியும்

            பூத்தருள் பவணீயே                                         - மதுரா

சரணங்கள்

எண்ணான் கறமுமிந்த மண்ணில் விளக்கஞ்செய்த

                        விறைவியுன் மனதுசற் றிரங்காதா

                        வெளியவன் மேல்வாதா - கைவிடிற் பெரும்

                        பழியுன்னைச் சாராதா                         - மதுரா

பாவியா னாலுமுன்னைக் கூவி யழுதமுகம்

                        பாரா திருப்பதென்ன வநியாயம்

                        பஞ்சையைக் காராயோ - வடியன்மனச்

                        சஞ்சலம் தீராயோ                               - மதுரா

அடிக்கடி மாறிமாறித் துடித்துப் புரளுமென்ற

                        னற்ப மனத்தைநிலை செய்யாயோ

                        ஐயோநான் படுங்கஷ்ட்டம் - பார்த்துன்னருள்

                        செய்யா யேலிஷ்ட்டம்                        - மதுரா

என்னசொன் னாலுமுன்றன் வன்னச் செவியிலென்சொல்

                        லேற்காதி ருந்தாலேழை யுய்வேனோ

                        விருந்தா யேசும்மா - வடிமைமனம்

                        வருந்தா தோவம்மா                            - மதுரா

இல்லறந் தன்னினாளு மல்லல் விளைவதல்லா

                        லேக மனதுகொள்ள வொட்டாதே

                        யெடுத்துரை செய்வேனோ - வெண்ணியெண்ணிச்

                        சுடுத்துள நைவேனோ                         - மதுரா

முன்னநீ யென்னைப்பெற்ற வன்னையல் லவோவிதை

                        முற்று மறந்திருத்தல் சம்மதியோ

                        முறையைக் கேளாயோ - இராமானந்தன்

                        குறைத்தீர்த் தாளாயோ                       - மதுரா.

(2)

முற்றிற்று.